陪伴大家成長嘅小熊維尼迎接100周年啦！由即日起至9月3日，「Winnie the Pooh: The 100th Year of Celebration Pop Up Store」登陸又一城LG2層。現場唔單止有幾款香港獨家嘅百周年限定精品，仲準備咗多個打卡場景同限定體驗活動，各位維尼粉絲一定唔可以錯過呢個朝聖機會。
四大夢幻打卡場景合照必到位
走入又一城LG2層，最吸睛嘅必定係4米高巨型紅色氣球，作為小熊維尼嘅經典標誌，令人未入場就已經想拎起手機影相。場內仲設有維尼與小豬森林小屋，溫馨嘅木系設計配合鏡子藏有嘅維尼小插曲，非常精緻。另外，跳跳虎歡樂派對以活力木樁為背景，大家可以擺出各種活潑姿勢合照。最後仲有由大量維尼組成的1.5米毛公仔打卡牆，置身其中感覺特別溫馨。
除了影相打卡之外，今次快閃店推出咗多款香港獨家百周年系列商品，滿足大家的收藏慾望。焦點商品包括首度登場嘅毛絨拉動公仔掛件盲盒（$99），共有維尼、小豬、跳跳虎同咿唷4款；話題度極高嘅迷你水樽盲盒同埋可愛實用嘅手指粉撲盲盒（$78）。鍾意香港特色嘅朋友，就記得留意香港限定版回力車（$68），5款造型特別融入雪糕車同紅的士等本地交通工具。
如果想搵潮物或者日常用品，場內亦有提供菲林相機（$598）、T恤（$168）以及毛絨手袋（$298）等周邊選擇，款款都充滿心思。
想要打造專屬紀念品的話，大家可以參與DIY香水瓶工作坊。只要購買便攜香水噴霧瓶（$60），就可以喺現場貼上百周年限定貼紙，親手設計出獨一無二嘅香水瓶。場內仲設有SNAPIO限定自拍亭，提供5款百周年限定相框，方便大家同家人朋友一齊紀錄甜蜜時刻。日前星級嘉賓Chantel姚焯菲同Marco葉振弘都有到場體驗工作坊同自拍亭，大讚限定精品設計極具心思。
快閃店同時推出精彩嘅消費禮遇。凡於店內購物滿$800，即可獲贈百周年紀念化妝袋一個。此外，只要喺店內打卡並上載至Instagram，追蹤同標註@festivalwalkhk，仲可以免費換領限定維尼氣球一個。
活動詳情
日期：8月6日至9月3日
時間：11:00 – 21:00
地點：又一城LG2層
想入手毛絨拉動公仔掛件盲盒同香港限定回力車嘅粉絲，記得早啲到場選購啦！