呢一版講明 Girlssss 嘅內容係點樣做出嚟嘅，包括資料來源、事實查核標準，同埋我哋喺邊啲環節用 AI。
內容來源
網站大部分文章嘅事實基礎，來自品牌或者公關公司主動提供嘅新聞稿、產品資料同活動詳情。呢類文章一律喺內文頂部顯示來源標記，寫明係改寫自品牌提供嘅資料。
我哋收到新聞稿唔代表一定會出。出唔出、用咩角度寫、寫幾長，由編輯部決定。
AI 喺邊度用
我哋用 AI 輔助處理新聞稿：讀原始資料、抽取事實、組織成文章結構同初稿。AI 唔會自己決定出唔出稿，亦唔會喺冇來源嘅情況下產生內容。每一篇出街之前都經編輯部覆核。
我哋唔用 AI 生成相片，亦唔用 AI 假扮真人試用或者到場體驗。
事實查核
價錢、日期、地址、產品名稱一律以來源資料為準。來源冇提到嘅，我哋唔會補、唔會估、唔會參考同業寫法填空。查唔到就明寫「未公布」。
如果同一件事收到兩份互相矛盾嘅資料，我哋會向來源查證之後先出稿；查唔到就唔出。
利益披露
我哋會用唔同標記區分內容性質：
品牌提供資料——改寫自品牌新聞稿，我哋冇收費、冇收贈品。
贊助內容——品牌付咗錢。
品牌贈品或體驗——我哋收咗樣品、招待或者活動邀請。
冇任何標記嘅，即係編輯部自行採寫或整理，同品牌冇金錢或物質關係。
更正
見更正政策。
對呢份方針有意見，歡迎電郵 info@girlssss.com。