Monday, October 3, 2022

小魔怪(Angel)

8 篇專欄

【旅遊❤大阪】由關西機場到京都★。超興奮地坐上Kitty HARUKA特急車★

今次呢個旅程入面我地都試左好多次, 好似第一次坐HK Express 啦, 對於大人而言我最多咪係訓教,但係對於小朋友可能就悶到發慌了, 點處理係冇娛樂既四小時多機程呢? 好彩我一早已經Down 定左15集既PJ Mask 比我位大少, 不過今次大少好好係一上機無耐就訓左教啦 反而我地兩個大人連訓都訓唔著 其實我地出發時,都算係紅葉既水尾, 加上我地都係晏機架啦,都已經係差唔多16:30 到步 但係我地只係出境時真係唔好彩啦, 勁多人排隊,首先要排隊影相加打手指膜 (預防你在日本犯罪,限於十六歲以上人仕) 由於我要完夢,大阪的酒店不給留行李一整夜, 所以我們就一落機就去了京都了, 所以亦係第一次坐上HARUKA特急車 如果你是想買到優惠車票/特別版的IC 卡是 需要到JR Ticket office去購買的, 跟大家也說明一下,當你拿到行李後,就沿接空橋到 "關西空港車站",然後看到JR Ticket office (藍色大大個Label) 然後就麻煩去排隊去囉~ 係出發之前其實都望過究竟係KK Day/KLook 散買車飛及IC卡好定係專登排隊呢? 不過因為阿媽我為左好想要個張限定版既Kitty ICOCA 卡, 個一張亦只係可以係關西機場JR Station購買, 所以我都係要去排隊購買, 真係十萬個唔好彩,唔知點解當日超超超超多人去排隊, 大部份唔係買飛,而係退卡 要留意唷!!  ICOCA 卡既期限係10年,而你如果退卡是需要收取手續費架 手續費為220日元,在你的卡餘額內扣回, 而按金500日元亦直接退給你的 而有關購買HARUKA特急車既車票問題, 其實買套票的話去京都單程是JP¥ 1630 , (如果你本身有IC 卡,是遊客也可以這樣購買車飛) 如果你是不想跟我一樣去排隊購票的話, 可考慮一些網上旅遊平台購買單次車飛, 也許的優惠跟排隊是一樣的,大家可以各自去參考一下 很幸運地,我們在六時多買到車票, 就趕到了18:14 的HARUKA特急車, 如果唔係就要等多半小時,約是18:46 才有另一架JR 可以上囉 要留意,我們買的車飛是自由席, 只可以於四號月台上車,登上是4-6 號的車卡 就像我們平時坐巴士一樣,有位你就可以坐 幸好係咁趕既時候都仲比我搵到兩個位子, 還是我最喜歡的Kitty HARUKA JR , 當然是瘋狂地拍照吧~ 到京都的車程是約80Mins,不過真的它的預算車程是很準確的 我們也是在19:35-38 到達京都站。 來到京都真的比起在關西是冷一點的, 由其在入夜後真的是要留意天氣呀 而我們當天的酒店是安排在五条站, 由於我們的行李是由爸爸一個人拎曬, 又係夜晚時間就直接搭地鐵算了, 唔好攪到佢又辛苦又攰,最重要我地只係食左早餐咋.. 所以係京都站轉地鐵到五条站去, 大約車費是¥220 左右沒記錯 可以直接拍IC...

【療程】✧✦女生的不能說出口的秘密◕‿◕給你不再尷尬的幸福椅✧✦

女生永遠都對於自己私密問題收收埋埋 即使係最親既閏蜜也好,家人也好另一伴也好 都唔會完完全全地道出問題所在, 對於我呢D生產過既女仕,都可能有滲尿問題, 不過我都會同身邊一樣生過BB 既朋友講下 女人生完除左要減肥廋身, 亦要保養盆底肌,改善私密問題 不過大家作為女生的,又點會唔知? 對於呢D療程又真係又想試又有D 怕怕 陰道wor點做護理呀? 認真既,當初接觸呢個療程, 我認真好懷疑及覺得究竟係點架呢? 會唔會好尷尬架?要唔要除曬衫褲架? 但!完全同我諗既唔!一!樣! 首先只係著自己平日著開既普通既鬆身衣服 薄薄地,唔好著牛仔/緊身褲就可以啦,唔洗換衫, 因為呢張椅子真係坐係度就可以做到陰道運動, 輕輕鬆鬆就改善到私密問題。 咩係盆底肌呢?咩係私密問題呢? 盆底肌係盆骨底部嘅肌肉,用來控制私密功能。 隨住年齡、生育、肥胖、缺乏運動,盆底肌會開始鬆弛, 容易引發三大私密困擾:尿滲、私密位鬆弛等,日常生活同兩性親密都會受影響! 醫生話,盆底肌嚴重會導致子宮下垂架! 所以盆底肌一定要及早保養! 好多人都會疑問究竟BTL EMSELLA私密修護椅既原理係點架? 其實呢張EMSELLA私密修護椅主要係利用專利HIFEM™技術, 深入10cm盆底肌肉群,輕鬆安坐28分鐘, 以無痛、無輻射、無熱力為盆底肌進行12,000次收緊提升運動, 改善盆腔的血液循環,強化盆底肌肉, 從而托番起盆腔器官,令陰道更緊緻,提升性生活和諧。 另外,持續的盆底肌鍛鍊,能夠強化盆底肌及其收縮能力, 預防出現直腸、子宮脫肛,解決小便不順、尿滲尿頻的問題 不但只適用於女士,男士都適用, 因為佢亦可以改善男人尿頻嘅問題。 而且療程無復原期, 完成療程可立即上班! 而家就分享下EMSELLA過程啦: 初初治療師會先較到50既力度等我慢慢適應個感覺, 然後當適應左之後就可以加強到80, 最強可以去到100,而係成個療程只係 感到私密位輕微震動力,唔會有任何刺痛或不適的感覺 而做呢個療程就有少許技巧既,係第一次做個陣真係要慢慢尋找正確位置 坐下時,Patpat 需要少許提升,"妹妹"的位置最好貼近坐椅, 坐位會發出「嗒嗒嗒」的聲音,治療師會調教力度, 療程時最好坐直身子,讓聚焦電磁的能量可以直達盆底肌肉及盆腔, 只要28分鐘,就完成了療程,十分快捷。 (記得wor電話要離要椅遠D,以免影響儀器運作) 我一路都冇做過任何既私密療程, 主要都係因為我覺得好尷尬啦,但EMSELLA係完全唔會令我覺得有任何既 (你見我就係咁坐係度就完成療程) 不適/唔舒服既感覺。 只要著上返平日既衫就可以直接做啦! 完成左呢6次EMSELLA療程後, 我認為減少左尿滲既問題,日常生活輕鬆自在好多, 亦唔怕大笑都無問題啦! 十分推薦俾其他同我一樣生完小朋友後有怕尿滲尿頻問題既媽媽們~ 可以Click http://bit.ly/330xQtV 了解更多 同尋找BTL EMSELLA既服務地點! 就這樣完結啦,下次再見啦!(拜~) ◕‿◕如有任何合作事宜,歡迎找我呀 Beauty | Baby | Food | Life Angel 小魔怪Mama E-Mail: [email protected] instagram.com/angelbabyhome facebook.com/angelbabyhome/ 小魔怪。私家竇

【親子好去處】✧✦不怕落雨又太凍 ❤超強放電遊樂場 J-Plus✧✦

當有小朋友之後,我每個周末都係諗定節目比佢去玩 而我跟一班戰友馬騮BB Group 差不多每個月都有聚會去玩 今次亦因為怕交通問題,封路問題突然間地轉場去玩 唔打唔撞又比我地玩到間超值得推介既好玩PlayHouse 講緊就係位於油塘既J-Plus , 其實呢間既J-Plus 亦係冒險樂園旗下既, 不過既然我推介得當然係又抵玩又好玩啦! 點解咁講?因為真係可以以180蚊玩足一日, 係唔係抵先? 等我同大家介紹下先啦 今次我地班馬騮小孩一齊去做小廚師,一齊去整Cookies 咁首先就一定要預早Book 一個生日派對套餐, 以每位入場小朋友收費就係$180 可以包整Cookies (視乎你蓋既模係點) 任玩佢地迷宮樂園,仲有40個幣(價錢$80) 由於小朋友們未必個個都有入廚既經驗, 正如Gogo 咁,今次有埋圍裙同廚房帽就好興奮啦 每位小朋友都會有個新既廚師帽可以隨心帶走既 當齊人之時就準備開始整餅啦, 由於我地呢個叫簡易版所以就會預備定餅底比小朋友們架啦 咁就工作人員姐姐就教小朋友開始點整Cookies 啦 每個小朋友都會準備好一塊餅底, 打開餅底後就開始整曲奇架啦, 先將整塊既餅底整軟,然後就開始分開四份, 再整軟,方便去整成一塊完整既 當整軟整好後就可以開始蓋起既曲奇模啦 不過記得要"曬"粉啦..唔係蓋完d 模都起唔到架啦 如果真係痴實左個底起唔到既, 就記得搵姐姐幫幫手,唔好自己死推死拎呀 由於我要睇住Gogo整,又要幫手, 費時係咁拎電話影相啦, 所以直接影比小朋友既完成品比大家望下啦 每個小朋友既份量都未必一樣, 因為會因為大家既模具擺位都唔一樣, 最後我就死擺難擺都好似整到有十至十二塊左右 最重要整完既Cookies 唔洗自己即刻食曬或者自己準備盒去裝 因為姐姐會為我地準備好靚靚既包裝架, 最後我唔比我仔一開始就食曬,係屋企先可以同屋企人分享 當然玩完曲奇就準備下一場節目啦,就係瘋狂地玩迷宮囉 對呀!!係呢個迷你生日會包埋任玩一日既迷宮 呢個迷宮真係唔指玩謝阿媽系列,更加係一個超強既放電場地 呢個場好大,好多不同既區域, 亦因為佢太多不同既區域,唔係人叮人既做法真係好易見唔到小朋友 由其我地當日係星期日,梗加係人山人海既狀態 雖然話小朋友都大個,要搵佢唔難, 但係始於以免真係走失, 加上當時D人真係多到,同埋太多睇唔到既位, 最後我都係成程都係跟住佢係咁走走走爬爬爬爬... 而迷宮每隔兩小時左右就會清潔15MINS , 所以我地就係呢D 空檔期就走左出去玩, 因為今次呢個Package 入面亦包左40個幣(共80元) 你可以免費申請張卡,就順便入埋d 幣落去, 係呢個時候你直接插入張智能卡就可以玩囉。 係呢個時候我完全明白點解當時公公一早叮囑我, 千祁唔好帶我仔去玩一次冒險樂園.... 今次...我終於明啦,玩左兩個小遊戲之後,, 我仔就自己拎左張卡係咁插啦... 最後媽媽我冇加任何既金錢離開呢個機動遊戲內, 最後就結束於呢個迷宮內。(大成功,仲有錢剩) 呢個生日套餐,最少係六個人起, 由於當日我地太遲先去Book ,所以得番一個時段一間房可以玩, 最多可以九個人同時去玩, 房間內可以有兩小時既遊戲區,可以係入面切埋蛋糕, 不過當日我地純係自己友去玩,所以我地當日Book 11點啦, 最遲就要12:15 前一定齊人去整, 同時亦可存放d袋係房(你指定Book 既時間內) 當然啦你早到左可以拎左手帶去左玩個迷宮同波波池 (愈早去愈好玩,我地當玩到三點既時候既波波池, 我完全比人群埋左我個仔,搵左好耐先見得番) 今次既小朋友們大家都好開心,不論大人定小朋友都玩到謝曬皮 大人仲梗加啦,我就忙係叮住個仔 同行既朋友們仲同班小朋友大戰方塊粒, 小朋友仲話朋友們似攪生日會既哥哥呀~哈哈! 直到而家呢一刻,當我話約左今次呢班馬騮小朋友去玩, Gogo 都係問我? 係唔係去整曲奇呀? 睇黎小朋友真係好喜歡呢一次活動, 而我地亦打算再一次入黎就去加$40 整6"蛋糕仔 當日我就係以180 玩左大半日,最後我仔連飯都冇食, 起身沖左涼再訓過,而媽媽我?...

【育兒❤日記】感謝你讓我正式畢業了♬人奶之路正式完結✿

想不到這一天說完就完了,連一些徵兆就沒有, 就是老師的一句話, 媽媽的人奶路正式於這年的十月十四日晚正式完結了。 我也完成了這場令人又愛又恨又痛苦又辛苦既人奶路, 正式地要畢業了!! 如果你也曾經或者是現在式仍是人奶媽, 由其在初生時餵人奶真的會令你發瘋 每兩小時餵一時的初生時期, 加上如果嬰孩的黃疸會更加令自己想放棄人奶這條路, 當初真的給自己的限期就是半年,半年就好了, 半年後終於達到Check Point 了 係呢個CheckPoint 實際是五個月全人奶的路, 雖則玩黃疸玩左三個月先完結, 但係由第二個月幾辛苦都餵到半歲大, 加上又要番工係新公司又汞奶又怕人地唔歡喜, 亦有一班老派人仕又覺得你影響人地工作, 佢地會覺得你汞奶其實是間接地走光比人望 但係當CheckPoint完後,加上又愛到小孩那個望住你情深款款既樣, 飲飽食碎既滿足樣,即使係時候要加固了, 然後是不捨得放學,加上亦因為開始可以加固, 需求同時冇咁強冇咁足,感覺上真的是舒緩了不少.. 當完成了半年的CheckPoint ,係公司仍然是每天早午各一汞, 知道公司上有不少既聲音去指,總是怪怪的, 由其是在清潔汞奶用品,雪藏自己的人奶後, 總是有一些有意無意的聲音希望你放棄,或是不要再汞了... 當時真的是蠻氣餒的,好像真的在職場不能給小孩最好的, 有陣時又話都加固囉,仲汞咩者? 食奶粉都得架者,我唔抗拒奶粉,但係我想我做到既時候.. 仍然比自己最好既東西給自己既最愛.. 那年是2016年的除夕夜.....要否知道爆樽是令媽媽最大的鼓舞 是我那夜孩子沒有吃過才可爆樽.. 每天的勞勞碌碌,每天的也是早上準備定冰袋,汞奶用品, 飯盒,要把仍在睡夢的小孩叫醒推到姨姨處, 在這2017年,剛好小孩的歲半時間,我們跟公公婆婆去了曼谷遊玩 看著魚群在遊,我在這兒餵奶了... 其實先生很抗拒我在公眾地方親餵,由其記得初生時期, 回想都唔明點解大家同一齊出街,我是需要在街汞奶, 小孩要吃雪奶,為何當時不親餵呢? 最後當然我不理爸爸的不喜歡,直接把餵奶巾帶在身邊, 把小孩直接親餵了.... 當在2017年的除夕夜... 那時我開始有點動搖了是時候掛汞了, 因為好像當時已經來了月經,當月經一準備前來的時候, 奶量就是急速地跌,那種氣餒感真的很大, 會令自己心灰意冷的,加上當時既姨姨照顧得蠻好, 早晨也不必一定需要一枝奶奶的, 所以我自己也忘了是否這一枝真的是最後一汞了..   其實大少在平常的時候真的是不需要媽媽奶的, 即使番了一年的基礎班也好, 即使媽媽多次說不如我們是時候唔飲媽媽奶了, 最後小孩仍是不放口,當媽的就是會心軟了~ 想不到在這三歲半後的日子,突然間小孩有點悶悶不樂的感覺, 習慣地哄他睡覺,突然間他好像好抗拒, 以為他身體上唔舒服?誰知突然間他說一些我不明白的事情, 真的當時我真的有亂想....是否他遇到一些不潔東西嗎? (真的是有這樣想..) 最後他終於導出了我想要既答案了, 原來他說,X老師說我們不要當飛天豬了, 我大個仔啦,唔可以再食奶咀/飲奶奶架啦, 老師話大個唔應該做呢樣野啦... 我地要拜拜奶奶啦..... 即時我既眼淚是瘋狂地流出黎, 又要唔想比阿囝自己見到我因為佢唔再飲奶而喊, 又要解釋點解媽咪眼濕濕, 那種被失戀更苦的,那一種不捨, 那一種突如其來說不要就不要既斷奶記, 教媽媽可以怎樣可以習慣這一下就來要斷奶的日子 不過看著你這小魔怪成長,媽媽這條路行了三年半也覺得是成功了 願你會更健康成長,也教懂有時候是學懂放手了~ 就這樣完結啦,下次再見啦!(拜~) ◕‿◕如有任何合作事宜,歡迎找我呀 Beauty | Baby | Food | Life  Angel 小魔怪Mama E-Mail: [email protected] IG: Angelbabyhome Facebook: AngelbabyHome 小魔怪。私家竇  

【護膚】✿試一下不一樣的體幹細胞面膜 ♬Deserve De-Chance Mask ✿

面膜,我諗作為一個貪靚既人仕, 不論男或女都一定成日敷架啦, 但係我呢個懶鬼就真係可能要覺得好乾啦, 或者真係有人睇仔啦,我又唔眼訓啦 我先會走去敷面膜,所以之前買落既面膜山... 真係送得既送比人,有一堆仲要掉左呀!!! 肉都赤埋啦,不過又咁講,好既面膜一盒就已經夠 就好似近來我用來保養既面膜,呢款面膜都幾特別 除左佢真係來自日本之外, 仲有強力既保濕同舒緩既效果tim 講緊乜?咪就係講緊呢一款既 Deserve De-Chance Professional In Born Mask 雖則呢個面膜認真係唔平, 但係佢好用,每一塊就大約26ml 既精華既面膜 ?世界級再生纖維素長纖維無紡布:超貼面、超滲透、高防敏 ?滲透技術Telome-some:高滲透到皮膚底層、穩定性高、 多重結構、長效補濕、效果明顯 ?高濃度人體干細胞培養液(日本制)2種諾貝爾授獎技術 ?敏感肌亦適用 ?經‪香港化驗中心‬SGS 驗證不含類固醇、重金屬、致敏化學物 而當中既既主要成份就包括有: -高濃度人體干細胞培養液 -河豚膠原蛋白:促進細胞成長再生 -燕窩萃取液:膠原蛋白玻尿活性化 -3D玻尿酸:肌膚形成保護膜鎖水、保護 -蜂王漿醣基海藻糖:修復、鎮靜 既然講得係敏感肌都岩用,當然唔可以有敏感既物料存在啦 防腐劑、礦物油、紫外線吸收劑、石油介面活性劑、矽酮、香料、著色劑、 酒精也經‪香港化驗中心‬SGS 驗證不含類固醇、重金屬、致敏化學物 面膜其實又好薄好貼面,我自己就試過兩次唔同既敷法 一個就普通敷下面膜(大約15mins) 一次就反而利用左導入機, 老老實實就覺得導入會比較好少少, 可能利用左導出機,令肌膚既Dirty 東西走出來囉 排走左垃圾後,令肌膚更加滋潤 係肌底個水份更加強,因為Feel 到肌底個水份吸收好快 其實品牌都建議連續敷三日,肌膚必定有改善 當然我就冇咁好恆心啦,亦唔係日日可以有空閒去敷面膜 加上當中既面膜採用高濃度人體干細胞培養液(日本制), 是2種諾貝爾授獎技術特許滲透技術Telome-some, 可以高滲透到皮膚底層、穩定性高、多重結構、長效補濕、效果明顯 不過兩次敷完其實肌膚都好似Keep 住飲飽水一樣, 如果有恆心一次過努力地敷, 肌膚一定變得不一樣, 加上佢呢一款面膜比較貼近我地肌膚既質感 又薄又貼服,真心值得推介既 就這樣完結啦下次再見啦!(拜~) ◕‿◕如有任何合作事宜,歡迎找我呀 ?Beauty | ??Baby | ?Food | Life  Angel 小魔怪Mama ?E-Mail: [email protected] IG: Angelbabyhome ?Facebook: AngelbabyHome 小魔怪。私家竇

如果你唔鐘意去參觀前粉嶺裁判法院, 只係想搵個地方Hea下, 又或者你真係好想去旅行,好想抖下, 但係又冇假既話點算好? 今日我就介紹係前粉嶺裁判法院旁既白色小屋Cafe  添飲咖啡

【保養】✧✦唔好再用手吱黑頭粉刺◕‿◕要吱就用b.liv Off With Those Heads ✧✦

夏天的天氣,除左最怕是熱到要命既天氣外, 我就最怕毛孔變得又大又油光滿臉, 而黑頭粉刺亦絕對是媽我的剋星 由其係大熱天時,如果我仲化埋妝既話 D毛孔大到我諗整粒米都可以呀, 況且仲有黑頭粉刺問題?

【親子】在粉嶺也有三級歷史建築◕‿◕帶你遊走前粉嶺裁判法院.。♥゚

作為大半個北區人仕, 真係對於呢個前粉嶺裁判法院不會陌生, 由其是住聯和墟的朋友就差不多每天也見吧 其實呢個前粉嶺裁判院係2002年已經停用了, 係2010 年被列為三級歷史建築,活化後成為青協領袖學院 係今年3月就正式活化之後,正式開幕成為呢個青協領袖學院,

最熱文章

輕鬆減脂纖體 – FOODOLOGY 健康產品

坐著坐著不想郁動,最近真的肥了不少,尤其是腰部那個水泡、凹凸不平的贅肉、以及突起的小腹, 好像做運動也修身不到。   朋友推介韓國美容保健食品品牌 FOODOLOGY 的健康產品,再配合飲食與拉伸運動,試了差不多 10 天,磅數是有回落下來啊﹗   分別是: 五彩蘇減脂輔助片 五彩蘇纖體茶 Coleology Tea PINEOLOGY 菠蘿酵素 Burningology D-Day 10天集中瘦身管理     五彩蘇纖體茶,含五彩蘇提取物、低聚果糖、銀杏葉提取物及 ology 混合濃縮粉末等,能促進血液循環 健康、減掉體脂、順暢排便活動。 一盒 15 包,每包 8g,加入 500ml 室溫水拌勻便可飲用,微甜的石榴味,放在工作枱旁,不知不覺好快 就喝完了,不過我覺得運動後喝,效果更好。   PINEOLOGY 菠蘿酵素,韓國專利 4 代乳酸菌+兩歧雙歧桿菌益生菌,以最優酵素活性,碳水化合物、蛋 白質、脂肪...

期間限定Cinnamoroll玉桂狗二十週年慶୨୧ 富山麵家

每年一度的Sanrio Character Ranking角色人氣大賞已經來到第37屆,今年世界總排名繼續由玉桂狗Cinnamoroll蟬聯冠軍寶座,原來玉桂狗不知不覺陪伴了大家20個年頭,依然人氣高企,位於銅鑼灣的富山麵家隆重其事招待 Cinnamoroll 坐鎮,由即日起至2022年12月31日化身成 <<富山麵家 X Cinnamoroll 二十週年>> 期間限定店,單看門口已經十分搶眼。     拉麵店內外的牆身、桌面、餐點、配菜,甚至紙杯、筷子套等都佈滿Cinnamoroll 的蹤影,處處都是拍照打卡位,最適合粉絲們去朝聖。             店舖聯乘期間更有Cinnamoroll 期間限定特別菜式,另外更可購買限量拉麵碗及餐具套裝。           特製黑醬油拉麵 $98   曾在東京拉麵秀中勇奪多屆冠軍的黑醬油拉麵,烏卒卒濃湯以醬油為基底,再加入雞骨、豬骨、鮮魚等熬製而成,味道甘醇不死鹹,迸發出獨有鹹鮮味更具層次感。     和風魚片印上 Cinnamoroll 的白雪雪可愛模樣,真叫人不忍心把它吃掉!     叉燒帶有一定的厚度,脂香滿瀉,肉質軟嫩不死實,粗麵條掛湯力特強,盡吸黑醬油湯汁精華,即使浸久了也未有變軟。     特製沾麵 $108   沾麵是拉麵的變奏,上桌時會把麵跟湯分開,但食法、味道、風格均與傳統拉麵截然不同,上桌時是微冷的,這是因為在煮熟後必須過冷水,粗身麵條才能保持滑順,收縮後變得緊緻彈牙,提升入口的嚼勁。     Cinnamoroll以半熟蛋及日式魚片頭拼湊而成,軟嫩蛋白包裹著晶瑩的流心蛋黃。     粗麵條亦可增加讓湯汁吸附的面積,大約蘸七分熱湯即可,既能掛起濃湯,又可以吃到拉麵的小麥粉香,令每一根麵條都容易沾上濃稠湯汁,魚介醬油湯底散發鹹鮮香氣。     玉子章魚燒 $48   作為期間限定Crossover 新菜式,Cinnamoroll 的玉子造型趣緻,喚發童心,每一口裹滿濃郁蛋香。     章魚燒個子渾圓飽滿,丸子口感外脆內軟而不會糊口,一朵朵白雲則是口感爽脆的醃蘿蔔,味道甜甜酸酸。     肉汁滿滿餃子 $42   拉麵配餃子可說是永垂不朽的經典配搭,薄薄的餃皮不會過厚,煎得香脆。     餃子餡料扎實多汁,內餡豐滿。     特製橙味梳打 $38   有如日落漸層的配色浪漫炫目,綴以萌爆的Cinnamoroll棉花糖和柔滑忌廉,味道酸甜解渴。     特製波子汽水 $38   面層有忌廉、糖粒和玉桂狗棉花糖,杯裡有藍色啫喱,冰藍色賣相絕對夠「IGable」,入口冰爽透心涼。         富山麵家 銅鑼灣希雲街7號地下 FB: https://www.facebook.com/euniceppp IG: https://www.instagram.com/4eunicep/    

【中環 食記】老字號港式茶餐廳。下午茶 ♥ 嘆杯香濃絲襪奶茶 + 傳統咖央西多士 ♥ 蘭芳園

去開中上環 儍爸話順路逛吓之前 ViuTV 電視劇 『太平紋身店』的主要場景 ... 太平山街 本來逛完想搵間 cafe 嘆杯咖啡 但是記得附近有間老字號港式茶餐廳 即刻轉軚去嘆杯絲襪奶茶 ~~ 星期六 4 點都好旺場,好彩都搵到位唔使等 ~~ 星期六和假期都有下午茶餐供應 我們點了兩份店家推介的下午茶餐 ... 儍爸的 ... 傳統咖央西多士 + 冰凍咸檸七 儍媽的 ... 芝士咸牛脷包 + 熱奶茶 杯絲襪奶茶真心好飲,茶香奶滑 ~~ 就算大熱天時儍媽都鍾意飲杯熱的,仲要唔加糖 覺得咁至飲出奶茶細膩醇厚的味道 ~~ 蘭芳園 Lan Fong...

香港自創品牌

#香港自創品牌 #自家設計tee #OOTD Melissa家姐不知不覺已經11歲喇,由小朋友年代步入少女時期👧🏻童裝已經開始唔啱size🤷🏻‍♀️ 最近我哋發現一個香港自創品牌,簡約得嚟又有型,仲有超代表性嘅圖案印喺T-shirt上面,真係好啱Melissa家姐❤️ 講梗嘅係婆婆雜貨店嘅【Kamon 家紋自家設計TEE】👕 佢哋創作來源係嚟自古時嘅日本,原來果時同一個家族嘅人係會用同樣嘅家紋,用作識別戶籍和血統🎎所以每個圖案都係獨一無二,好似身分嘅象徵🎀 《婆婆雜貨店》就係希望可以做出一件象徵某個地方嘅衣服,所以就設計咗家紋系列✨ 好似今次我哋揀咗日本富士山圖案一樣🗻一睇個圖案就知道代表我哋嘅家鄉 - 日本🇯🇵 另外除咗日本富士山,仲有香港嘅獅子山🦁款款都好有代表性又有型🎈 其實《婆婆雜貨店》唔單止有自創TEE,仲有好多其他自家製嘅有型產品🛍️ 支持原創同鍾意獨一無二設計嘅你,千祈唔好錯過,快啲去佢哋嘅實體店同IG睇吓啦💪🏻 婆婆雜貨店 Grandmama Store 婆婆珈琲屋 Grandmama Cafe - 婆婆咖啡屋 📍婆婆雜貨店 www.grandmamastore.com 📍觀塘本店: 觀塘開源道 72 號溢財中心 13H (觀塘地鐵站 B1 出口) 📍富士山限定店(旺角店): 旺角朗豪坊 11 樓 09 號舖(旺角地鐵站 C3 出口) 📍尖沙咀寄賣店: 尖沙咀彌敦道...