同好朋友聚餐，除左食物味道之外，環境都好重要！
早前俾我發現左 【樂園】呢間樓上café。主打超多靚靚少女心打卡位、貓貓店長同美食。
去到門口已經有好靚既巨型花花裝飾，一入到去地方唔算大。
店入面有提供花圈可以全程戴住+影相打卡，一定要同超夢幻霓虹燈花墻影相！
另外其他墻都有D相框適合打卡，真係食前狂影、食后都狂影！
食物方面，我地叫左5款小食拼盤同帶子南瓜risotto，各加$68要埋餐湯+飲品。
餐湯係蘑菇湯、非常濃郁！而且有一隻青口！
5款小食拼盤係自選，我地選擇左雞翼、爆谷雞、薯絲蝦、牛油焗帆立貝同忌廉流心薯餅。我地最鍾意就係薯絲蝦！鮮甜又特別
帶子南瓜risotto，非常飽肚、帶子外面輕輕煎過、內裡係生嘅，非常鮮甜。不過略嫌飯有少少太乾！
飲品都非常特別、我地叫嘅係彩虹特飲、青同藍、以試管形式調教自己鍾意嘅甜度！
呢間café真係非常少女心，非常適合同姐妹們聚餐打卡！
不過人均價錢就高左少少！
樂園：尖沙咀北京道65-69號環球商業大廈2樓205-06室
