知道沙田開咗間新餐廳 (Cafe Library by Espuma)，仲要係超 Pink Pink 嘅餐廳，即刻少女心爆發，約埋閨蜜齊齊去扮少女！
見到呢個門口，靚到呢！梗係要影下相打下卡啦！唔好浪費咗個境丫嘛！
閨蜜一早去拎位，所以有幸被安排坐卡位，媽呀！真係好 Pink 呀！好彩我都襯咗件粉紫色衫。
因為我哋星期一中午去，所以就揀咗食 Lunch Set。
「去骨海南雞西班牙式燉飯」，我想講海南雞飯食得多，海南雞配西式燉飯真係第一次，估唔到又出奇地 match 喎！
「四季薄餅」，有煙三文魚、雞肉、菠蘿，仲有 cheese，係薄批所以個邊勁脆，正呀！
Lunch Set 係包埋是日餐湯 + 甜品，仲有是日精選花茶，不過貪靚嘅我哋，都係忍唔住加錢 (+$15) 轉咗其他花茶。「左 – 菠蘿百香果蘋果烏龍」；「右 – 蜜桃柚子茉莉茶」，喜歡飲甜甜地嘅一定要揀菠蘿百香果蘋果烏龍，因為茉莉茶比較淡味！
我哋又心思思加咗款小食「脆炸黑松露芝士薯條」，我勁鐘意扭紋薯條，配埋黑松露醬，我哋兩個秒殺咗！
我哋又心思思加咗款小食「脆炸黑松露芝士薯條」，我勁鐘意扭紋薯條，配埋黑松露醬，我哋兩個秒殺咗！
女人愛吃甜品應該係天性，就算正餐食到好飽，都唔可以唔食甜品，畢竟甜品係另一個胃，點都要填飽埋佢嘅！我哋叫咗呢個打卡 no. 1 嘅「招牌鮮雜果麻糬窩夫配雪糕及棉花糖」，一上枱我哋都忍唔住「嘩」咗一聲，因為舊棉花糖超大，我哋就梗係瘋狂打卡啦！影到舊棉花糖都開始溶溶地，笑咗！
話說個棉花糖食唔哂 (都係第一次)，下面嘅甜品都要好好享受埋佢嘅！窩夫配士多啤梨雪糕，仲有啲生果，真係成個甜品都冇得輸。
影埋餐廳另一邊位置，連凳都係粉紅色，真係好靚呀！
最後送上甜品餐牌！大家想冇咁多人，可能避開午飯時間會好啲！我哋今日食得好開心，因為坐喺咁 Pink 嘅環境食嘢，真係有一刻忘記咗自己做咗媽媽，但可以扮下少女，輕輕鬆鬆食餐飯，呢到真係好正，食埋個靚靚甜品，就真係勁滿足。
