| h o m e | 嵌入式煤氣爐明火煮食~開放式廚房或者封閉式廚房都啱用!

《幸福的味道》 從小到大,因為有一個煮飯好強的老爸,基本上大部份需要明火煮食的中菜都難不到他,到長大後曾經搬出來住,變成開放式廚房,經歷過無得用明火煮食,才真正感受到以前「身在福中不知福」,最初自己煲飯蒸魚煮菜,都要隔著電話問家人……當我想吃鑊氣小菜,就會的起心肝去選個嵌入式煤氣爐! 依家都仲記住老爸教我整嘅每一道菜,還有佢最拿手嘅咕嚕肉,即使我現在已擁有氣炸鍋,但明火煮食的落油炸是絕對有分別,真係好好多!之後再一次搬家後,我就堅持一定要用嵌入式煤氣爐,第一次看到時已覺得陶瓷玻璃好看耐用又易清潔、密封爐頭好方便打理、而且槽式火孔設計爐頭蓋不易堵塞,可以放心交給工人姐姐每次用後清潔。
還有一樣一用嵌入式煤氣爐就愛上的功能,就是自動熄火時間功能!煲湯最啱用,有時煲菜湯時間短些、煲肉湯或燉菜式時又需要多些時間,扭好時間夠鐘就自己熄火,非常實用!(我真係懶到有時用明火煮食烚隻蛋都用內置計時功能)。煮食爐配有防漏熄火裝置,咁安全梗適合忙碌的媽媽,要兼顧照顧小朋友,同一時間又要下廚!
有一樣嘢我之前真係唔知,早排去朋友屋企探訪新居入伙,先知原來好多新樓盤都轉開放式廚房,尤其一房單位!其實開放式廚房都可以用明火煮食爐,嵌入式煤氣爐又靚仔又fit,只要配合完善的通風環境或抽風系統就可以了,開放式廚房明火一樣work,不會一屋油煙!而且明火煮食本來就已經好多好處,煎、炒、煮、炸、炆、燜、燻、焗乜都得,又夠鑊氣,不用擔心電磁爐過熱問題或者要分類哪些煮食鍋具是否合適,因為大部份的鍋具都是為了明火煮食而設,而且明火可以快速煮熱食物,真係好多好處!網上見到有種煮法喺放個烤網係明火煮食爐上面整野食,喺屋企都可以BBQ!
我入廚年資淺並非專業,如想了解更多,可以到Towngas客戶中心詢問專業意見,一定幫到大家認識各種嵌入式煤氣爐的好處同功能。
小插曲:同妹妹去Towngas客戶中心,有人仲被TGC Hello Kitty嵌入式平面爐吸引到,入去一睇,不得了~居然還有粉紅色!強化玻璃面一樣耐用易清潔,原來嵌入式煤氣爐都已經出到咁靚,HELLO KITTY 果然無處不在~睇埋其他款式的嵌入式煤氣爐,最想要係三個爐頭的款式,那就可以多個爐位煮嘢食啦!