鬧市中都有世外桃源!

Chelsea Garden & Restaurant 環境好好!座位闊落,地點又方便!喺佐敦站同柯士甸站中間。帶住小朋友地點同空間真係好緊要!餐廳佈置好靚,係我最鍾意嘅小清新garden風格,植物環繞住餐廳,室外露台更係一個綠化小天地!即刻同小朋友打卡啦!

        
好啦!影完相,餓啦!一坐低就有個welcome dish,係蕃茄芝士salsa,味道酸酸甜甜好開胃。仲有又暖又軟嘅新鮮麵包籃加橄欖油同醋添!
頭盤:
炸西班牙辣肉腸芝士薯丸 $68
黑松露野菌忌廉湯 $58
芝士薯丸外脆內軟!外皮好鬆脆,啲餡好幼滑,鍾意食辣嘅我對辣肉腸嘅微辣表示好滿意。
野菌忌廉湯味道濃郁,細細粒嘅蘑菇碎好有咬口。黑松露味道好香,啖啖都好足料。兩個仔仔清晒!
主菜:
西班牙龍蝦海鮮飯 $298
美國黑安格斯肉眼扒伴蒜烤野菜 $328
我好鍾意食西班牙海鮮飯,所以喺menu見到一定會點。今次亦都冇失望,大蝦超級鮮甜,好爽口,啲膏好creamy!超級正!小朋友都好啱食!
而我老公次次都會點牛扒!調味適中,帶出牛嘅香味。為咗小朋友,我哋嗌咗七成熟,但係出奇地淋,非常好味!同埋竟然係用香港地唔係太出名嘅gravy做sauce!我哋好鍾意!好滿足嘅一餐!
Chelsea Garden & Restaurant
地址:佐敦柯士甸道7號UQ Place 4樓