又甜又鹹同時享受 Green Waffle Diner
年幾前黎呢間食過覺得幾好味
今日見有啲時間就黎食下 Green Waffle Diner
餐單上嘅選擇多咗好多,當然價錢亦都調整左少少
本來諗住食返上次嘅薯粒鑊仔
但突然之間俾張相吸引左
見到同時有最鍾意食嘅雞腿又有窩夫
就決定試吓
$120 炸雞腿 窩夫早餐
雖然唔算好平,但嚟到嘅時候竟然咁大份
嘩~炸雞腿香到不得了
外層炸至薄而脆,肉質鮮嫩非常Juicy
完全地鎖住肉汁,啖啖香口,如果有部機影住,
應該會影到一咬落去果下好 Juciy 同輕煙飄飄既感覺
真係好好味
窩夫勁大塊,不過唔知點解係空心嘅
所以咬落去冇乜口感,但咁大塊確係吸引
窩夫都有少少脆口,如果唔係空心會更加好
配菜可以揀沙律或者哈蜜瓜
夏沫就揀咗哈蜜瓜, 食完炸雞腿, 再食生果感覺好Fresh
美中不足就係冇配送飲品
同埋如果窩夫上面有雪糕就更加完美啦