【#飲食】講女食記 || 火鍋控鮮味粥底火鍋 – 觀塘「發哥粥底海鮮火鍋」
——————————–
Workshop 樓下開左間新茶記，原來果鋪位，日頭開茶記，晚間就會變身成為火鍋店，作為火鍋控的ms.C當然唔可以錯過。
由於日頭係冰室茶記關係，所以4人以下的枱係卡位為主，人多既就可以坐圓枱。枱同枱之間同卡位空間寬敞，就算4個人坐卡位唔會太迫好舒服。
「發哥粥底海鮮火鍋」不是任食火鍋，火鍋料按人頭計，包開胃涼菜2小碟、一人一盅時令燉湯，蒜蓉泰醬焗青口(2隻) ，主食可三選一雞堡、龍蝦餐（每位半隻）、海蟹餐（每位半隻）由 $248 – $288，更有大胃王海鮮套餐(原隻龍蝦+原隻海蟹) $438；海鮮拼盤(新鮮鮑魚、聖子皇、貴妃蚌、多寶魚、黃金蜆、海蝦、時令貝) + 安格斯牛肩肉 + 8款自選火鍋配料，竹蔗水及各種汽水任飲，起初以為會唔夠飽，但好戲在後頭。
——————————–
店家建議我地兩個人，可以各點一份龍蝦餐&一份海蟹餐，可以食到龍蝦同時用蟹煲的粥底會更加鮮甜。
——————————–
未上粥底火鍋之前，先上開胃涼菜2小碟：
拍青瓜 – 酸度夠用黎開胃一流
炆花生 – 花生炆得夠淋身入味
——————————–
時令燉湯 – 湯有螺肉、雞腳、豬肉、龍眼，材料充足
——————————–
蒜蓉泰醬焗青口(2隻) – 泰醬+蒜蓉味香濃
——————————–
平日打邊爐都是有味的湯底，呢到既粥底火鍋就是無米粥水，之後就會加入其他材料熬粥。
海鮮盤 – 份量充足好豐富，而且材料新鮮。一個海鮮拼盤(聖子皇、貴妃蚌、多寶魚、黃金蜆、海蝦、時令貝)，同時店家建議我地點新鮮鮑魚，放進粥底灼熟，不加調味料鮮味十足。
點了龍蝦餐&海蟹餐各有半隻，肉質同樣鮮甜爽口，絕不欺場。
肥美蜆肉
食完整個海鮮拼盤，都已經有7成飽，
——————————–
安格斯牛肩肉 – 只是上一次，不過牛肉紋理鮮明，同時仲可以點8款火鍋配料。點了日本黑豚肉 & 滑牛肉，3款都肉味濃，同粥底十分之夾。仲有其他8款食物，點了幾款都是可以配上粥底火鍋的配料。
脆鯇魚腩 – 同樣是可以用黎熬粥，店家私人食法介紹，食脆鯇魚腩要灼10分鐘先食，才食得出”脆”味。
自家製蝦滑 – 爽口彈牙，蝦滑鮮味，同粥底好夾
——————————–
食到一半記住加入埋附送的粟米南瓜芋頭，先可以令粥底越煲越甜，最後店家仲會幫手加入粥膽，菜圃同蔥，
一滾起，就成為匯粹成餐火鍋的精華，粥底鮮味，食食下不知不覺食到兩大碗。
——————————–
溫馨建議，由於「發哥粥底海鮮火鍋」不設限時限坐，可以由開鋪坐到收鋪都得，我地7點去到人流唔算好多，但越夜越多人，建議人多的都係訂定枱穩陣。
——————————–
> 發哥粥底海鮮火鍋 <
地址: 觀塘成業街19-21號成業工業大廈地下1號舖
電話: 23425137
▿▾▿▾▿▾▿▾▿▾▿▾▿▾▿▾▿▾▿▾▿
| 講女C生活 | ｂy ms.Ｃ
「講」女就是這樣的!
♧ 80′s 後 X 100%土生土長水瓶港女；隨心講，隨心寫
♤ <享受自家生活態度> 講玩、講食、講扮靚
♧ 用文字、短片記錄，分享一切「講」女生活事
♤ 歡迎╔ 品牌合作 | 產品試用 | 活動出席 ╗
—
—
YOᑌTᑌᗷE νℓσg
—
⌞ms.C⌟ 其他網誌
| blogspot || ulifestyle || beauty exchange || girlssss |
| qooza beauty || she.com || theztyle || girlab || fashion guide |
| weshare || pixnet || style-tips || beautylife |
fσℓℓσω мє
▿▾▿▾▿▾▿▾▿▾▿▾▿▾▿▾▿▾▿▾▿
